ⓘ WordPress ya iku sawijining aplikasi sumber terbuka kang paling misuwur digunakaké minangka mesin blog. WordPress dibangun kanthi basa pemrograman PHP lan basis ..

                                     

ⓘ WordPress

WordPress ya iku sawijining aplikasi sumber terbuka kang paling misuwur digunakaké minangka mesin blog. WordPress dibangun kanthi basa pemrograman PHP lan basis data MySQL. PHP lan MySQL, loro-lorone minangka perangkat lunak sumber terbuka. Saliyané minangka blog, WordPress uga wiwit digunakaké minangka sawijining CMS amarga kaprigelane kanggo dimodifikasi lan dipadakake karo kabutuhan panggunane. WordPress ya iku penerus resmi saka b2/cafelog kang dikembangake déning Michel Valdrighi. Jeneng WordPress diusulake déning Christine Selleck, kanca ketua pengembang, Matt Mullenweg.

Rilis WordPress kang paling anyar ya iku versi 4.8.2 08 Juni 2017. WordPress didistribusikake karo Lisensi Publik Umum GNU.

                                     

1. Sajarah

Sajarah WordPress diwiwiti nalika Matt Mullenweg kang minangka pangguna aktif saka b2 ngerti yèn prosès pengembangan b2 dimandegake déning pemrogramne programmer kang arane Michel Valdrighi, Matt Mullenweg krasa eman lan wiwit nerusaké pengembangan b2.

WordPress kawiwitan ing taun 2003 minangka kasil kerja keras Matt Mullenweg karo Mike Little. Kang gawé WordPress sangsaya misuwur, saliyané amarga akèhé fitur lan tampilan kang mikat ati, ya iku uga amarga panjurung komunitas tumrap perangkat lunak sumber terbuka kanggo blog.