ⓘ Sungnyemun. Namdaemun utawi Sungnyemun inggih punika satunggaling pintu gerbang mawi sajarah ingkang mapan wonten ing kutha Seoul, kutha krajan saking Koréa Kid ..

                                     

ⓘ Sungnyemun

Namdaemun utawi Sungnyemun inggih punika satunggaling pintu gerbang mawi sajarah ingkang mapan wonten ing kutha Seoul, kutha krajan saking Koréa Kidul. Yasan punika ugi dipunsebat kaliyan nama Sungnyemun ingkang ateges Gerbang Upacara Agung ingkang sinerat wonten ing papan gerbang. Panyebatan Namdaemun kanthi wiyar dipun-ginakaken amargi papanipun ingkang wonten ing pérangan kidul saking gerbang-gerbang ingkang njagi Hanyang. Namdaemun punika ateges "Gerbang Ageng Kidul". Nalika wanci dalu tanggal 10 Fèbruari 2008 payon saking gerbang kayu punika kobong lan nelasaken sadaya pérangan payon lan struktur kayunipun.

                                     

1. Sajarah

Sadèrèngipun kobongan ing taun 2008, Namdaemun punika yasan kayu tuwa dhéwé wonten ing Seoul. Kanthi arsitèktur saking kayu lan watu mawi payon 2 tingkat, gerbang punika kapungskasan nalika taun 1398 lan dipun-ginakaken minangka lawang kanggé mlebet ing punjer kutha. Kajawi punika ugi kanggé nyambut dhayoh tamu nagara lan ugi kanggé njagi kutha saking macan Koréa ingkang sampun dangu cures saking Koréa. Konstruksi kawiwitan ing taun 1395 nalika taun kaping 4 mangsa pamaréntahan Raja Taejo lan kapungkasan ing taun 398. Strukturipun dipunyasa malih ing taun 1447 lan nglampahi rénovasi. Wiwitanipun, Namdaemun punika salah satunggal saking 3 gerbang utama, ingkang sanèsipun punika Dongdaemun Gerbang Wetab lan Seodaemun Gerbang Kulon ingkang sampun dangu risak

Ing wiwitan abad kaping 20, témbok kutha ingkang ngubengi kutha Seoul dipunrisak déning pamaréntah kolonial Jepang kanthi alesan "kanggé nglancaraken ilèn lalu lintas ing wewengkon mau". Rawuhipun putra makutha saking Kamaharajan Jepang miturut prakiraan ingkang dados alesan damel risaking gerbang punika. Nalika putra makutha mau ngliwati gerbang dipunsambut kanthi sarwa linangkung. Namdaemun katutup kanggé umum ing taun 1907 bibar pamaréntahan kolonial Jepang yasa jalur tream listrik ing celakipun. Ing mangsa perang Koréa, Namdaemun risak sanget lan dipunrénovasi kanthi ageng ing taun 1961 mawi upacara pungkasan ing 14 Mèi 1963. Namdaemun dipundamel dados Harta Nasional Koréa Kidul nomer 1" nalika tanggal 20 Dhésèmber, 1962.

Gerbang punika dipunrénovasi malih nalika taun 2005 kantih nambahaken lemah lan suket ingkang sakiwa tengenipun supados katingal langkung éndah sadèrèngipun tanggal 3 Maret 2006 dipunbikak malih kanggé umum. Nalika mangsa réstorasi, 182 kaca cithak biru saking desain gerbang dipundamel kanggé nyiapaken rékonstruksi énggal manawi kadadosan satunggaling masalah. b

                                     

2. Papan

Gerbang punika mapan wonten ing wewengkon Jung-gu, Namdaemun St 4-Ga 29, antawisipun Stasiun Seoul lan Plaza Kutha Seoul. Ing celakipun punika pasar Namdaemun, satunggaling peken tradhisional 24 jam ingkang sampun kanggé pinten-pinten abad.

                                     

3. Pranala njawi

  • Harta benda nasional nomor satu Koréa Kidul, terbakar
  • Rapat darurat anggota kabinet Korea terhadap kebakaran pintu gerbang Selatan
  • ing basa Koréa Short description of the 8 gates of Seoul